Ionad Tacaiochta Oideachais Chontae Dhun na nGall - Nuachtlitir na Seachtaine 18 (27/04/26 to 03/05/26)

Seachtain 18 2026 (27/04/2026 to 03/05/2026) Nuachtlitir Sheachtainiúil na nImeachtaí

‍A Phríomhoide/Mhúinteora, a chara

San áireamh thíos tá achoimre ar gach imeacht Forbartha Gairmiúla Leanúnaí don tseachtain dar tús an 27 Aibreán 2026 chomh maith le roinnt príomhimeachtaí eile i mí Aibreáin 2026.

Féadfaidh tú athbhreithniú a dhéanamh freisin ar na himeachtaí Forbartha Gairmiúla Leanúnaí seo go léir i rannóg na gcúrsaí Bunscoile nó Iar-bhunscoile ar shuíomh gréasáin an Ionaid.

Seo achoimre ar roinnt imeachtaí / tionscnaimh iontacha eile a bhféadfadh suim a bheith ag do scoil iontu: 

• Imeachtaí NCSE - Is féidir sonraí faoi aon Fhorbairt Ghairmiúil Mhúinteoirí de chuid an NCSE atá le teacht a fháil anseo. Chun clárú d'aon cheann den FGL seo cliceáil anseo le do thoil.
• Imeachtaí Oide - Is féidir sonraí faoi aon Fhorbairt Ghairmiúil Mhúinteoirí de chuid Oide atá le teacht a fháil anseo.
• PeacePlus Aspire - Ceardlann ar Chomhpháirtíocht Oideachais Roinnte an-Éifeachtach a Threorú – Dé hAoine seo caite, an 17 Aibreán, cuireadh tús le comhoibriú nua idir Ionad Tacaíochta Oideachais Dhún na nGall agus PeacePlus Aspire. Ba mhór an pléisiúr don Ionad an ócáid seo a reáchtáil inár nIonad nua i Leitir Ceanainn. Tháinig os cionn 50 rannpháirtí le chéile don cheardlann seo agus thaistil siad ó gach cearn de Dhún na nGall agus ó áiteanna chomh fada le Sligeach, Béal Feirste agus Baile Átha Cliath. Sa phictiúr ó chlé go deas tá Isabel Loughran agus Aoife Kelly-Gibson (Leargas), Mark Barr agus Peter Geoghegan (Éascaitheoirí), Kieran Mc Taggart (Stiúrthóir Ionad Tacaíochta Oideachais Dhún na nGall) agus Marie Heraughty (PeacePlus Aspire). Tá nasc le tuilleadh eolais anseo agus grianghraf thíos san áireamh.
• Seoladh Cúrsaí Samhraidh Bunscoile 2026 – Tar éis sheoladh chlár chúrsaí samhraidh na bliana seo Dé Luain, an 13 Aibreán 2026, tá suim iontach léirithe cheana féin sna cúrsaí seo, agus tá cuid acu lán cheana féin nó beagnach lán. Is féidir sonraí ar na cúrsaí samhraidh uile atá ar fáil a fháil anseo. Beidh sraith chúrsaí samhraidh ar líne na bliana seo á seoladh againn freisin Dé Máirt, an 5 Bealtaine 2026.
  
• Comhphairtíocht Múinteoirí Ealaíontóirí+ (TAP+) Lán- Ghaeilge - Tá cuireadh á thabhairt ag Ealaíona san Oideachas Náisiúnta (NAE) agus ag an Roinn Oideachais agus Óige (DEY) do mhúinteoirí bunscoile agus scoile speisialta a bhfuil spéis acu an Gaeilge, an chruthaitheacht agus forbairt Phobail Chleachtais a chur chun cinn ionadaíocht a dhéanamh thar ceann a nIonad Tacaíochta Oideachais lánaimseartha áitiúil trína rannpháirtíocht i gComhphairtíocht Múinteoirí Ealaíontóirí+ (TAP+) Lán-Ghaeilge náisiúnta. Tá sé mar aidhm ag an gcúrsa seo acmhainn chruthaitheach fhadtéarmach trí mheán na Gaeilge a thógáil i measc tionscnamh Óige Ildánach ar fud na tíre trí líonra Ionaid Tacaíochta Oideachais Éireann. Tugtar cuireadh do mhúinteoirí ar spéis leo páirt a ghlacadh a spéis sa TAP+ Lán-Ghaeilge a chlárú trí theagmháil a dhéanamh le Ionad Tacaíochta Oideachas Chontae Dhún na nGall Déan teaghmháil linn le haghaidh tuilleadh eolais admin@donegaledcentre.ie. Dáta deiridh: Dé hAoine 15 Bealtaine, 2026

Suirbhéanna is Déanaí

• Suirbhé Glaonna chun Gnímh don Chéad Ghlúin Eile (Iar-Bhunscoile) – Ag iniúchadh dearcthaí, eolais agus gníomhartha déagóirí maidir leis an athrú aeráide – maoinithe ag an EPA agus á reáchtáil ag Coláiste na Tríonóide, Baile Átha Cliath agus Ollscoil Chathair Bhaile Átha Cliath. Tá siad ag lorg scoileanna iar-bhunscoile chun páirt a ghlacadh i staidéar fadtréimhseach ar eolas, dearcthaí agus iompraíochtaí déagóirí i leith an athraithe aeráide. Is píosa taighde an-tábhachtach é seo mar is é seo an chéad staidéar dá leithéid in Éirinn. Tá siad anois ag druidim le deireadh bhailiú sonraí don chéad bhabhta ceistneoirí ar an 1 Bealtaine, agus tá siad ag lorg scoileanna chun tacú leis an bpróiseas suirbhéireachta le daltaí. Tá scoileanna incháilithe chun páirt a ghlacadh má tá siad lonnaithe i bPoblacht na hÉireann agus má tá daltaí sa chéad bhliain, sa bhliain idirbhliana agus sa chúigiú bliain acu. Áirítear leis an rannpháirtíocht:

  • cead ón bpríomhoide a fháil
  • an staidéar a fhógairt do dhaltaí
  • cabhrú le hearcaíocht dhaltaí sa chéad bhliain, sa bhliain idirbhliana agus sa chúigiú bliain
  • an suirbhé a chur ar aghaidh chuig daltaí

  Mar chúiteamh, tairgfear ceardlann duine le duine do scoileanna ar ábhair ar nós bainistiú meabhairshláinte i measc déagóirí agus cúiseanna an athraithe aeráide. Beidh deis ag daltaí rannpháirteacha freisin dul isteach i gcrannchur €20 tar éis gach céime den staidéar.

  Má tá suim ag do scoil páirt a ghlacadh, seol ríomhphost chuig nextgen@dcu.ie

• Suirbhé Líonra Malartaithe Taighde na Múinteoirí (T-Rex) – Tá áthas orainn staidéar taighde dhá chéim a roinnt a dhéanann iniúchadh ar cheannaireacht litearthachta ar fud scoileanna agus suíomhanna oideachais. Tá an staidéar seo oscailte do gach múinteoir, i ngach ról agus freagracht, agus ó gach comhthéacs scoile agus oideachais. Ní gá post foirmiúil ceannaireachta a bheith agat chun páirt a ghlacadh – tá taithí agus dearcadh gach múinteora tábhachtach.

  Céim 1: Ceistneoir Náisiúnta Ar Líne – Tá do léargais fíorthábhachtach. Tóg cúpla nóiméad chun do thaithí agus do dhearcadh a roinnt: https://buff.ly/oO7Xj4K

  Céim 2: World Café ar Cheannaireacht Litearthachta – Is féidir le rannpháirtithe a chríochnaíonn Céim 1 rogha a dhéanamh páirt a ghlacadh i seisiún comhoibríoch World Café, atá deartha chun:

  1. Taithí agus léargais a roinnt
  2. Páirt a ghlacadh i gcomhrá gairmiúil fiúntach
  3. Ceangal a dhéanamh le múinteoirí i réimse róil agus suíomhanna
  4. Cur le taighde náisiúnta ar cheannaireacht litearthachta

• Bithéagsúlacht i Scoileanna – Suirbhé ar Spraeáil i Scoileanna – Suirbhé 10 soicind é seo ó “Biodiversity in Schools” a dhéanann iniúchadh ar úsáid spraeanna cosúil le luibhicídí i scoileanna ar fud na hÉireann. Tá an suirbhé go hiomlán anaithnid agus ní fhoilseofar ainmneacha scoileanna. Is féidir leat teacht ar an suirbhé anseo.