Ionad Tacaiochta Oideachais Chontae Dhun na nGall - Nuachtlitir na Seachtaine 14 (30/03/26 to 05/04/26)

Seachtain 14 2026 (30/03/2026 to 05/04/2026) Nuachtlitir Sheachtainiúil na nImeachtaí

A Phríomhoide/Mhúinteora, a chara

San áireamh thíos tá achoimre ar gach imeacht Forbartha Gairmiúla Leanúnaí don tseachtain dar tús an 30 Márta 2026 chomh maith le roinnt príomhimeachtaí eile i mí an Mhárta agus i mí Aibreáin 2026 agus ina dhiaidh sin.

Féadfaidh tú athbhreithniú a dhéanamh freisin ar na himeachtaí Forbartha Gairmiúla Leanúnaí seo go léir i rannóg na gcúrsaí Bunscoile nó Iar-bhunscoile ar shuíomh gréasáin an Ionaid.

Seo achoimre ar roinnt imeachtaí / tionscnaimh iontacha eile a bhféadfadh suim a bheith ag do scoil iontu: 

• Imeachtaí NCSE - Is féidir sonraí faoi aon Fhorbairt Ghairmiúil Mhúinteoirí de chuid an NCSE atá le teacht a fháil anseo. Chun clárú d'aon cheann den FGL seo cliceáil anseo le do thoil.
• Imeachtaí Oide - Is féidir sonraí faoi aon Fhorbairt Ghairmiúil Mhúinteoirí de chuid Oide atá le teacht a fháil anseo.

Suirbhéanna is Déanaí

• Creat Éire Shláintiúil - tá an Roinn Sláinte ag tabhairt faoi chomhairliúchán poiblífaoi láthair ar an gCreat Éire Shláintiúil nua chun a dtuairimí a fháil agus chun cabhrú le treo an bheartais sláinte agus folláine in Éirinn sa todhchaí a mhúnlú. Tá an comhairliúchán oscailte go dtí an 22 Aibreán agus féidir aighneachtaí a dhéanamh ar líne tríd an nasc seo.
• Cleachtais Ghuth na nDaltaí i Seomraí Ranga Bunscoile na hÉireann - tá staidéar á dhéanamh faoi láthair ar Chleachtais Ghuth na nDaltaí i Seomraí Ranga Bunscoile na hÉireann, agus táimid ag súil le cloisteáil go díreach ó mhúinteoirí bunscoile atá ag cleachtadh thar gach leibhéal ranga agus comhthéacs scoile in Éirinn. Más bunmhúinteoir thú, nó má oibríonn tú le múinteoirí, má dhéanann tú meantóireacht, nó má thacaíonn tú leo, bheimis an-bhuíoch díot dá bhféadfá ár suirbhé gearr a chomhlánú agus/nó a roinnt le do líonraí. Tá nasc an tsuirbhé anseo.  Níor chóir go dtógfadh sé ach thart ar 10 nóiméad chun é a chríochnú. Beidh ról tábhachtach ag do léargais chun cabhrú linn tuiscint a fháil ar an gcaoi a bhfuil guth na ndaltaí á chur i bhfeidhm i seomraí ranga ar fud na hÉireann.
• IS agus na Meáin Shóisialta - Tá baint ag an Dr. Michele Dunleavy, Ollamh Cúnta san Oideachas Ionchuimsitheach do Leanaí le Riachtanais Oideachais Speisialta i gColáiste Mhuire gan Smál, Luimneach in éineacht leis an Ollamh Fiona McNicholas le taighde in UCD. Tá siad ag iarraidh teagmháil a dhéanamh leis an oiread múinteoirí agus is féidir chun iarraidh orthu suirbhé ar líne a chomhlánú. Scrúdaíonn an taighde seo éifeacht IS agus na meán sóisialta ar scoláirí i scoileanna, idir bhunscoileanna agus iar-bhunscoileanna. Tá nasc an tsuirbhé anseo. 
• An Creat Beartais Náisiúnta do Leanaí agus do Dhaoine Óga - Tá an tAonad Beartais um Chearta Leanaí ag tabhairt faoi chomhairliúchán poiblí chun bonn eolais a chur faoi athbhreithniú agus forbairt leanúnach Éire Óg, an Creat Beartais Náisiúnta do Leanaí agus do Dhaoine Óga. Is deis é seo chun do thuairimí a roinnt agus cabhrú le bonn eolais a chur faoi fhorbairt leanúnach Chreat Beartais Náisiúnta Éire Óg. Tá nasc an tsuirbhé ar oscailt go dtí Dé Luain an 30 Márta agus is féidir é a fháil anseo. Tógfaidh an suirbhé thart ar thríocha nóiméad chun é a chomhlánú, agus tá gach freagra gan ainm.  Má tá aon cheist agat nó má tá soiléiriú ag teastáil uait, ná bíodh aon leisce ort teagmháil a dhéanamh linn ag youngireland@dcde.gov.ie. Tá nasc an tsuirbhé anseo.