Ionad Tacaiochta Oideachais Chontae Dhun na nGall - Nuachtlitir na Seachtaine 48 (24/11/25 to 30/11/25)

Seachtain 48 2025 (24/11/25 to 30/11/25)

Nuachtlitir Sheachtainiúil na nImeachtaí

A Phríomhoide/ Mhúinteora, a chara

San áireamh thíos tá achoimre ar gach imeacht Forbartha Gairmiúla Leanúnaí don tseachtain dar tús an 24 Samhain 2025 chomh maith le roinnt príomhimeachtaí eile do mhí na Samhna.

Féadfaidh tú athbhreithniú a dhéanamh freisin ar na himeachtaí Forbartha Gairmiúla Leanúnaí seo go léir i rannóg na gcúrsaí Bunscoile nó Iar - bhunscoile ar shuíomh gréasáin an Ionaid.

Seo achoimre ar roinnt imeachtaí / tionscnaimh iontacha eile a bhféadfadh suim a bheith ag do scoil iontu:

• Imeachtaí NCSE - Is féidir sonraí faoi aon Oiliúint Ghairmiúil Mhúinteoirí de chuid NCSE atá le teacht a fháil anseo. Chun clárú d'aon cheann den oiliúint seo cliceáil anseo le do thoil.
• Imeachtaí Oide - Is féidir sonraí faoi aon Oiliúint Ghairmiúil Mhúinteoirí de chuid Oide atá le teacht a fháil anseo. Chun clárú d'aon cheann den oiliúint seo cliceáil anseo le do thoil.
• Tús Maith: Aistrithe i nGníomh 2025 / 2026 - Tá an-áthas orainn a fhógairt go gcuirfear Tús Maith: Aistrithe i nGníomh – Tionscadal Réamhscoile go Bunscoil, ar fáil arís i mí Eanáir 2026. Chun tacú le scoileanna agus suíomhanna luathbhlianta ar spéis leo páirt a ghlacadh iontu, beidh seimineár gréasáin eolais ar líne ar siúl Déardaoin an 27 Samhain 2025 óna 2:30 p.m. go 3:30 p.m. Chun clárú, cliceáil anseo le do thoil. Tá sé mar aidhm ag an tionscadal seo spás gairmiúil a chruthú le haghaidh cumarsáide agus comhoibriú idir réamhscoileanna agus bunscoileanna, ag cothú caidreamh idir an dá earnáil chun an t-eispéireas aistrithe do leanaí a fheabhsú.
• Déan Snoí, Cruthú agus Ceiliúradh: Ceardlann Chlóbhualadh Liónóile na Nollag - Bígí linn le haghaidh ceiliúradh deireadh téarma a bheidh suaimhneach agus lán áthais! Déan do shuaimhneas le roinnt sólaistí na Nollag, agus cuir le d'eolas ar ealaín na clóbhuailte líonóile. Treoraithe trí gach céim, déanfaidh tú snoí agus cruthú do chuid priontaí Nollag áille féin — foirfe do chártaí, clibeanna bronntanas, nó cuimhneacháin. Níl aon taithí ag teastáil —beir do chruthaitheacht (agus b'fhéidir cúpla comhghleacaí!) leat agus déan ceiliúradh ar dheireadh an scoiltéarma ar do sháimhín só . Chun clárú, cliceáil anseo le do thoil.
• Aonach Bunscoile STEMTACULAR - Beidh Aonach Bunscoile STEMTACULAR 2026 (Arna Chumhachtú ag Analog Devices) ar siúl i mBéal an Átha Móir, Co. Liatroma ar an 26 Feabhra 2026. Is é Dé hAoine an 21 Samhain 2025 an dáta deiridh d'iontrálacha. Tabhair faoi deara, le do thoil, go bhfuil spásanna teoranta agus mar sin tá sé tábhachtach do thionscadail a chlárú chomh luath agus is féidir. Tá an comórtas seo oscailte do dhaltaí bunscoile ó rang a 2 go rang a 6. Chun clárú, cliceáil anseo le do thoil.
• Comórtas START (Feasacht Teagaisc Scoileanna ar Thrialacha Randamaithe) 2025 / 2026 - seoladh é seo go hoifigiúil ar an 10 Samhain 2025 do 2025/2026 agus tá sé oscailte do chlárú. Tá sé oscailte do rang a 4, a 5 agus a 6 amháin. Chun clárú, cliceáil anseo, le do thoil. Is féidir tuilleadh eolas a fháil freisin sa Treoir Phleanála seo agus ar shuíomh gréasáin an Chomórtais START.
• An Bhratach Scoile Gníomhaí Iar-Bhunscoile (ASFPP) 2025 / 2026 - tá an clár seo forbartha anois chun Iar-Bhunscoileanna a bhur san áireamh freisin. Má tá suim agat do scoil a chlárú faoin ASFPP, bí páirteach i bhfoireann ASF ag ceann de na seisiúin eolais atá le teacht ar an 2 Nollaig 2025 ag 7 pm nó an 3 Nollaig 2025 ag 4:30 pm. Is féidir tuilleadh eolas faoin ASFPP a fháil freisin ar an suiomh gréasáin anseo.
• Craobh Nua Chumann Múinteoirí  Staire na hÉireann (HTAI) do Chúige Uladh - beidh Craobh nua HTAI Uladh á seoladh go hoifigiúil i mí Eanáir 2026 - tá craobhacha HTAI ann faoi láthair i mBaile Átha Cliath, Gaillimh, Ciarraí, Tuaisceart na Mumhan agus Port Láirge. Má tá suim agat cabhrú leis an mbrainse nua seo a chur ar bun, seol ríomhphost chuig historyteachers@gmail.com. Is féidir leat a bheith i do bhall den bhrainse nua HTAI seo freisin ag baint úsáide as an nasc clárúcháin seo.
• Comórtas Ealaíne do Pháistí Wainfest - Páirc Náisiúnta Ghleann Bheatha - comórtas oscailte do gach páiste agus duine óg i nDún na nGall, cliceáil anseo chun tuilleadh eolais a fháil. Is é an 7 Nollaig 2025 an dáta deiridh d'iontálacha.
• Buntreoir do Róbataic VEX - d'éirigh go hiontach leis an seisiún eolais a chuir an Dr Gary Cullen agus John Conaghan ar fáil ó ATU Leitir Ceanainn Dé Céadaoin an 5 Samhain 2025. Beimid ag seoladh tuilleadh cumarsáid chuig gach Bunscoil faoi seo go han-luath.
• Scriobh Leabhar 2025 / 2026 - tá an tréimhse chlárúcháin don chlár seo dúnta anois. Bhí spéis iontach ann ina leithéid arís i mbliana agus leanfar go luath le cumarsáid bhreise leis na scoileanna sin a chláraigh ann.
• Comórtas Náisiúnta Scríobh Dán - 2025 (Iar-bhunscoil) - is é an 12 Nollaig an spriocdháta chun clárú, cliceáil anseo chun tuilleadh eolais a fháil.
• Comórtas Stair Scoile Uile - Oileáin - 2025 - is é an 5 Nollaig an spriocdháta chun clárú, cliceáil anseo chun tuilleadh eolais a fháil.
• Sraith Seimineár Gréasáin Buail Leis an Eolaí 2025 / 2026 - tá na seimineáir ghréasáin aonair seo saor in aisce agus deartha do na páistí i rang a 4, a 5 agus a 6, cliceáil anseo chun tuilleadh eolas a fháil.